Համակարգչային միջադեպերի արձագանքման պետական կենտրոնը հավաքագրում է ՀՀ պետական մարմինների կիբերմիջադեպերի վերաբերյալ տվյալները, պահպանում և վերլուծում դրանք։ Կատարում գրանցված համակարգչային միջադեպերի ուսումնասիրություն, իրազեկում դրանց վերաբերյալ ՀՀ պետական մարմիններին։ Ձեռնարկում է միջոցներ միջադեպերը կանխելու ուղղությամբ։
Կիբերպատահարների քննության ընթացքում Համակարգչային միջադեպերի արձագանքման պետական կենտրոնն ակտիվ համագործակցում է ՀՀ իրավապահ մարմինների հետ։ Cert.gov.am-ը երաշխավորում է ստացված ողջ տեղեկատվության գաղտնիությունը և դրա չտարածումը առանց հայցող կողմի համաձայնության, բացառությամբ՝ ՀՀ օրենսդրությամբ նախատեսված դեպքերի:
Կենտրոնի հիմնական խնդիրն է բարձրացնել կիբերանվտանգության մակարդակը Հայաստանի Հանրապետությունում, նպաստել կիբերմիջադեպերի քննության արդյունավետությանը, ինչպես նաև հետևել ոլորտում կատարվող իրադարձություններին և, ըստ անհրաժեշտության, իրազեկել համապատասխան մարմիններին:
PGP key: 0xB25AC9B3E8B32B7F
PGP fingerprint: E326 14C1 1DA1 7581 A36E 9A38 B25A C9B3 E8B3 2B7F
Տեղեկացրեք կասկածելի հաղորդագրության մասին և եղեք պաշտպանված
